政府無視於各界強烈嘅反對聲音，硬要推「明日大嶼」大型填海計劃，財政司司長陳茂波（波叔）都預料政府喺十五年嚟首次錄得赤字，但仍死攬「明日大嶼」，仲話短中期嘅花費唔多，而計劃嘅收入可填補開支。「明日大嶼」保守估計要使六千億元，起碼十年後先起到樓，對等上樓嘅基層市民嚟講根本係遠水救唔到近火，更被狠斥將儲備丟入無底深潭，政府仲係咁執迷不悟，係咪想激化深層次矛盾，令民憤再次大爆發？
