政情：八網難逃：抱朋友B扮有孫 楊靜朱容基：我哋升咗呢
香港中華出入口商會副秘書長楊靜日前喺Facebook上載咗幾張相，佢同丈夫朱容基抱住個BB，開心到不得了，仲貼文話「看來我們升級了」。唔係啩，佢哋兩個女都喺英國求學，咁快抱孫？
單係睇呢張相，真係呃到好多人，有網友都留言話「啱啱睇漏眼，我以為你抱孫呀」，而楊靜亦回應話「如果是真的，一定很棒」。
恨做公公婆婆
點解會有呢個美麗的誤會？原來早前佢哋喺某酒店參加朋友嘅婚禮，點知因為尖沙咀發生暴亂，佢哋無法離開，最終就租酒店住，而第二日佢哋安全離開，冇耐又喺同一地點參加老友外孫嘅百日宴，佢哋手中抱住BB，覺得分外開心，仲話睇嚟佢哋都想升級做公公婆婆嘞！佢哋仲祝BB快高長大，聰明伶俐添！