政情：建制區選失利 葉文斌自嘲返鄉耕田

照片中嘅Terry踎喺一片綠油油嘅農田前自拍，睇啲葉嘅形狀似係番薯葉，Terry仲喺貼文留言話：「呢鑊真係要返屋企耕田」，返內地發展咁話。唔通Terry學啲古人從政不順返田園歸隱？

與張琪騰陸頌雄 三個有伴

不過即使係咁，Terry都絕對唔會孤獨，事關佢嘅黨友、同樣喺區選中未能連任觀塘區議員嘅張琪騰就留言問Terry係咪種番薯，仲叫Terry預埋佢。而今次區議會選舉中於元朗天恒選區落敗嘅工聯會立法會議員陸頌雄亦都有留言，仲引經據典鼓勵話可以種菜避風頭。睇嚟佢哋三個有伴，可以一齊轉行去種菜喇。不過Terry就話，佢只係去咗內地朋友嘅田園散心，好快會返港(口架)喇。