政情：今日你上鏡：陳百里驗眼 試用樂齡產品
隨住人口老化問題愈趨普及，樂齡科技已經逐漸被視為應對呢個問題嘅主要策略，近日香港舉辦樂齡科技博覽會，商務及經濟發展局副局長陳百里都去咗體驗科技嘅最新發展，見佢行到去一個展位時，即刻除低眼鏡驗眼喎。唔通佢雙眼有問題？
可檢測糖尿病及中風風險
樂齡產品係畀長者用嘅，又啱佢？查實驗眼嘅產品都有好幾款，例如係糖尿眼人工智能篩查、全自動視網膜圖像分析系統——認知健康風險檢查同中風風險檢查等，究竟佢驗邊瓣呢？學勞工及福利局局長羅致光話齋，當大家都一百二十歲嘅時候，六十歲先算係中年，所以四十幾歲嘅陳百里都仲後生，應該都唔會有乜嘢毛病嘅。