政情：邱榮光：所有化學品都應停用

汽油彈亦具傷害性

邱榮光話鳳園的蝴蝶未受到催淚彈嘅影響，因為同施放催淚彈嘅地點有一定距離，但佢就話唔止催淚彈嘅化學成分，就連汽油彈都有傷害性，應該停用所有化學物品，而佢又聽聞有大學實驗室嘅危險化學品唔見咗，直言如果不當使用，對任何人同生態都造成傷害。

另外，有回收玻璃樽服務被煞停，政府更明言係鑑於社會暴力事件升級有關，而邱榮光都有搞回收玻璃樽服務，依家仍然繼續運作，佢話一向將回收嘅玻璃樽收好，唔擔心畀其他人拎嚟用，又認為要喺坊間搵玻璃樽並唔難。言下之意係咪覺得政府過慮呢？