政情：公民講場：大鼠戊肝又殺到 劉利群唔踢唔郁

本港去年九月發現全球首宗人類感染大鼠戊型肝炎個案，之後就成為全球包辦最多人類感染個案嘅地區，至近日喺何文田邨再有多一宗人類感染個案，令本港個案累積至八宗。附近居民直言，曾經見過有肥嘟嘟嘅老鼠爬過平台，衞生環境又差，仲有一袋袋垃圾堆積添。而食物環境衞生署喺再有感染個案後，尋日先再派員視察，署長劉利群真係踢一腳先郁一郁，就好似社會有聲音要求清理各區連儂牆一樣，拖足幾個月先派員清理，真係唔知係反應慢定係懶喇。