受到非洲豬瘟嘅影響，內地活豬供港數量持續偏低，販商吊鹽水，市民捱貴豬。食物及衞生局局長陳肇始話應業界嘅建議，探討喺外地進口活豬供港，下個月會去新加坡考察，了解當地由馬來西亞以海運方式進口活豬嘅監管。但有部分業界認為短期難以成事，寧願等出年內地活豬供應回復穩定。話時話，考察完返嚟仲要研究係咪香港適用，又可能要修例，分分鐘又拖一年半載，陳肇始做嘢咁龜速，難怪業界潑佢冷水喇！
