政情：姚思榮斥創科署帳目唔清唔楚

旅遊界議員姚思榮喺會上提到自己支持項目，但就想局方提供過去四年呢四間研發中心嘅營運開支。創新科技署署長潘婷婷要喺同事幫手揭文件之下，先答到署方轄下全數五間研發中心嘅開支，但就畀姚追問五間當中得四間要申請開支，反指政府提供嘅數字應該要「用橙同橙比」，唔好亂咁畀啲數字出嚟，仲叫該署稍後補充確實嘅開支。

蔣麗芸生意人上身教花錢

另一議員蔣麗芸就佛口婆心咁喺度叫政府喺研發方面嘅眼光要擴闊啲，又生意人上身咁話報告上有邏輯謬誤，強調使嘅錢多咗唔代表一定可以進展良好。佢仲提到研發中心每年使逾五億元，收入平均可以有四千幾萬元，笑指「做生意學你咁真係死喇」！