路燈失靈 貨車攔腰撞翻七人車
【本報訊】連場的示威活動，不少交通燈都「壯烈犧牲」而出現失靈，面對「冇燈」的路面，司機行車時務必要小心翼翼。不過有車Cam就拍得一架七人車行駛「T字」路口時，被一架高速前進貨車攔腰直撼，全車翻側，非常震撼。
3人受傷送院
事發於前日中午約十二時，現場是屯門杯渡路近屯門輕鐵站，由網民Victor Chu上載到Facebook群組「小心駕駛（討論別人駕駛態度）」的片段所見，當時路口交通燈已失靈，期間一架七人車駛至近杯渡路「T字」路口向右轉時，當駛至路中央，一架白色客貨車突然駛至攔腰撞翻七人車。目擊意外的網民不禁在貼文留言「壞咗紅綠燈嘅路口要打醒十二分精神」。
雖然意外與交通燈失靈有莫大關係，不過網民認為兩架車司機駕駛態度亦有問題，「架七人車明知冇紅綠燈仲要衝出去」、「架貨車無減過速」、「冇路燈嘅地方真係要開慢啲」。
警方發言人指，事發後七人車上一名四十歲姓洪女子及八歲姓陳男童受傷，而貨車上一名姓林四十歲男子亦報稱受傷，全部送院治療。