政情：今日你上鏡：張宇人挑戰象哥 爭睡魔寶座

進出口界立法會議員黃定光（象哥）經常都畀人影到佢開會時疑似瞓覺嘅照片，有網民仲好有心咁將象哥過往開會時疑似瞓覺嘅數十張照片拼埋一齊製作連環圖。不過開會時需要閉目養神嘅就唔止象哥，飲食界立法會議員張宇人（Tommy）尋日喺立法會一個小組委員會開會時亦都疑似瞓咗。當時Tommy將個身挨咗落張櫈度，合埋咗雙眼，個嘴仲擘開咗，好似瞓得好舒服咁。其實Tommy都有擘開眼幾次，不過每次唔夠十秒就合番埋喇。Tommy尋日就冇回應平時係咪瞓得唔好，所以要喺開會時補眠，只係話有好多嘢要做。其實Tommy之前都已經多次被影到開會時閉目養神，唔通佢想挑戰象哥地位，與睡魔建立更緊密關係？