近期香港社會亂象紛呈，真係睇唔見有咩曙光！不過，都係嗰句：希望在明天，大家嘅思維最好都係盡量保持開朗同正面啦！如果大家仲未能夠將精神提振起嚟，不如欣賞一下山田南實呢位被稱為「可愛感最強」嘅寫真界新貴，足以令大家提起精神！
日本寫真界一向都不缺年輕美少女，近期活躍嘅包括有淺川梨奈、大原優乃、澤口愛華等等，佢哋嘅共通點係身材凹凸有致，兼且擁有一副有陽光美嘅可愛面孔，不過若然要鬥可愛的話，我諗佢哋可能都要輸畀呢位師妹，佢就係山田南實喇！
山口南實年方18歲，猶如一個剛剛成熟嘅水蜜桃一樣，肌膚鮮嫩彈滑，成熟度多一分則太熟，少一分則顯得未達要求。雖然上圍只得B Cup，但係胴體本身夠薄身，亦顯得凸出同具曲線美，而且身材只係佔吸引力來源嘅一小部分，大部分係來自其甜美面孔以及燦爛笑容。
南實喺上年參與選美活動《制服Collection18》之後，開始踏足寫真界，由於擁有一身透明感十足嘅白嫩美肌，加上面孔標致且具有令人精神一振嘅青春氣息，故被稱為寫真界超新星，寫真業界亦以「可愛感最強」嚟形容佢。近期南實密密為各大雜誌拍攝水着寫真，如果最近大家會去日本旅行，不難喺便利店書架上見到佢擔任封面女郎嘅雜誌！
另外，南實遠赴美國洛杉磯拍攝嘅首本個人寫真集正進入後期製作階段，將會喺12月見街，到時鍾意實體寫真嘅朋友又可以多一本收藏品。不過，其實大家想見多啲南實都唔使等佢出寫真集，因為阿妹亦以女子組合Pimm's成員嘅身份四圍登台，只要多留意佢哋嘅演出日程，想見南實喺舞台上發揮青春魅力就話咁易啦！
簡介：近期山田南實經常被雜誌邀請拍攝水着寫真，而拍好嘅性感照不少都會分享到南實嘅社交網，想睇就梗係要多啲Click入去欣賞啦！
網址：https://twitter.com/373_pimms?lang=ja
年齡：18歲
身高：5呎3吋
三圍：33B-23-33
撰文：賢