香港經濟已經步入技術性衰退，財政司司長陳茂波（波叔）尋日講起，本港第三季經濟情況嚴峻，其中零售跌幅大，係長時間未見過，又話政府推出多項紓緩措施，但未能完全填補市場嘅下行壓力，叫社會齊心協力，首要係止暴制亂喎！波叔咁早就閂定後門，講明推咩措施都頂唔住下行壓力，講到好似自己無能為力咁，唔知佢係咪冇晒招去振興經濟，所以預早戴定頭盔，講明搞唔掂，等大家唔好怪佢呢？
