政府話覓地建屋難，於是要搞「明日大嶼」填海計劃，建人工島起屋住人，但一直遭到外界猛烈反對，炮轟政府倒錢落海，有團體尋日更狠批政府搞明日大嶼，等如搞另一個天水圍出嚟。咁講，擺明係話將來嘅人工島就好似天水圍咁變成孤島，冇人理，希望喝停發展局局長黃偉綸將填海計劃擺上立法會財委嘅議程，但係黃偉綸一直都死攬住呢個計劃，睇怕佢並冇吸取天水圍悲劇嘅教訓，既然有人提醒，唔該佢係咪都要停一停、諗一諗呢？
