政情：禍不單行邵家臻 坐監僅得細雞翼

瘦咗廿幾磅 唔使再打糖尿針

邵家臻話，預咗監房冇啖好食，饍食冇得同出面比，就算揀雞翼餐，外籍囚友嘅雞翼都會明顯大隻啲，坐監已經心情差，依家仲要咁「大細超」，咁仲邊有胃口吖，想唔瘦都難啦，最後搞到佢瘦咗廿幾磅喎。

佢又話自己明顯曬黑咗，不過大家都話佢塊面白過以前，佢就即時拉高衫袖證明，話個肚腩同對「光管腳」都曬黑埋，依家夠膽着短褲喎，呢八個月做多咗運動，加上監房嘅清淡饍食，佢嘅糖尿病情亦有明顯改善，依家唔使再打糖尿針咁話。