政情：社會動盪取消賣旗 周榮富嘆奈何

貼紙冇印日期 留番下次用

再生會主席周榮富話，佢哋日常嘅營運開支，有好大比例係來自賣旗籌款，本來已經搵到一千二百個義工幫手賣旗，並於上周三（2日）交代賣旗細節，然而賣旗日前夕，幾乎全港都陷入一片混亂，再生會董事局為咗安全計，無奈取消賣旗，畢竟義工嘅人身安全最重要。幸好今次賣旗嘅貼紙並冇印上日期，相信還可以留待下次賣旗之用。

再生會名譽主席鍾惠玲就話，周末嘅賣旗籌款，其實還伴隨着可以發出捐款收據嘅「金旗」認購。而賣旗義工一見對方身上懷有金旗，就知對方已經捐款。由於賣旗取消咗，佢就要聯絡各方友好認購金旗，以彌補再生會日常營運所需嘅資金缺口。