政情：公民講場：難挽人才 靠增醫護學額 陳肇始堅離地

本港醫護人手嚴重不足，醫院管理局九龍中聯網尋日發表工作報告時都提到，聯網喺過去一年醫生同護士嘅人手流失率，各比前一年增加咗百分之一，其中眼科同埋放射科流失嘅情況比較嚴重，即使有新畢業生填補人手，但經驗流失都難以彌補。面對醫療人手問題，政府曾經增加醫護學額，不過，醫療人手並非單單係數人頭，經驗真係難以替代。其實食物及衞生局局長陳肇始過去都曾經做過護士，照計應該都了解業界需求，但點解講咗幾年，都仲係諗唔出好方法去挽留有經驗嘅人才呢？唔通做咗局長就變得太離地？