政情：停業逾3個月 立會餐廳下周重開

立法會餐廳由下周二開始至本月十九日，星期一至星期五嘅營業時間由早上八點至晚上六點半，星期六就由八點到下午三點。由本月二十一日開始，逢立法會舉行會議嘅日子，營業時間由早上八點到夜晚八點，其餘嘅星期一至五，營業時間就早一小時關門，即係晚上七點就關門嘞，至於星期六就由早上八點開到下午三點。

仲係同一個營運商

早前立法會行管會因應七一衝擊事件，同意向立法會餐廳營運商發放約廿五萬恩恤補助金，依家終於開得番，真係好事。早前有指營運商不再續約，不過，據知，下周二餐廳重開時，都仲係同一個營運商，聽聞因為營運合約喺明年才屆滿喎。