中環出更：驚見路邊大批免費磚 伍婉婷急叫人收起
最近反修訂嘅激烈衝突，都會見到示威者掟磚，觸目驚心，風頭火勢之下，竟然有大批路磚出現喺銅鑼灣景隆街附近，莫非要免費派磚畀人拎嚟掟？真係見到都驚呀！灣仔區議員伍婉婷近日喺社交平台上傳相片，圖中可見有幾板路磚整整齊齊咁放喺路邊，究竟發生乜嘢事呢？
擔心示威者攞嚟用
原來係地盤運嚟嘅，話要重鋪路面。但係伍婉婷就大鬧「傻的嗎！這個時候，三大板新磚放路上任人取用？」呢番話好明顯都係擔心遊行期間，有人會攞嚟有所行動喇！跟住佢聯絡咗路政署、食環署、屋宇署、分區地政處、警方，過咗整整一日，承辦商先至派人收番起啲磚，話係避免構成危險。
其實伍婉婷聯絡咗咁多部門，政府都要花咗一日時間，先叫承辦商收起啲磚，唔通真係唔怕死，想方便示威者拎嚟掟？如果發生乜嘢意外，又會係邊個部門出嚟孭鑊呢？
卓妮