政情：泛民文件出錯 葉傲冬眼利捉到
不論係立法會議員定係區議員，過去都不時畀人捉到宣傳品有錯字，而近期香港出現連場示威，更有示威道具將「徹查」錯寫成「撤查」，意思南轅北轍，而呢個錯誤就出現喺油尖旺區議會中嘅泛民議員身上，開會期間畀眼利嘅區議會主席葉傲冬捉到喇。
「徹查」變「撤查」 貽笑大方
油尖旺區議會早前舉行大會，三名屬泛民嘅油尖旺區議員余德寶、涂謹申同林健文就提呈文件，要求喺會上討論警方上月喺太子站內對市民施暴嘅事件，以及要求回應五大訴求，文件更列出該五個訴求，包括「撤查」警察暴力，要求設立獨立調查委員會。
會議上順利討論呢份文件，但葉傲冬非常仔細，喺三名提呈人發言後問，到底文件中嘅「撤查」係咪手民之誤，定係想講撤銷調查嘅意思，大問有冇寫錯，搞到會議室中人都竊竊私語同翻閱文件囉。