政情：余偉業獲委任交諮會成員
政府尋日公布交通諮詢委員會多名成員嘅任命名單，其中包括社企「要有光」的創辦人及行政總裁余偉業，獲委任為成員之一，任期為兩年，由下月一日起開始生效。
創辦社企 關注房屋議題
社企「要有光」主要開拓「光房」等社會地產項目，提供畀單親媽媽及其子女等基層入住，希望減輕佢哋嘅財政負擔，近年各界講起社會房屋時，都不時被提及。
政府成日被人話制訂政策唔夠貼地，唔知政府係咪因而覺得余偉業熟悉基層市民需要，所以委任佢做交資會成員，等佢喺啲交通議題上提供意見，令交通政策都冇咁「離地」呢？
下月起生效 為期兩年
此外，交諮會嘅新成員仲包括會計師林智遠、仁濟醫院前主席鄭承峰等人，並再委任黃慧敏及嚴楚碧為成員，全部任期同樣係下月起生效，為期兩年。