政情：陳志豪一家被起底 有人打嚟「提醒」接仔

凌晨電話響冇人出聲

Victor話自己並非首次被起底，過去不時受到滋擾電話，只係近月幾乎日日都有，仲試過凌晨電話響無人出聲添！

不過，起底情況喺周末惡化變成禍及妻兒，佢發現網上出現其太太同三歲半嘅囝囝資料，連全家福都有埋。佢本身都諗住無乜特別，點知前日收到電話提醒佢要接囝囝放學，對方更自稱為學校老師，又講得出囝囝全名，但由於未到放學時間而覺得奇怪，事後學校亦表示無老師搵過佢，所以就聯想到事件與起底有關囉，佢已經提醒學校唔好畀陌生人接走囝囝，實行安全至上。