政情：公民講場：任內大把問題未解決 梁智仁仲要捱多三個月

政府尋日公布咗新嘅醫院管理局主席人選，將會喺十二月一日履新，即係話現任主席梁智仁就快將卸任嘞！話時話，梁智仁喺一三年獲委任為醫管局主席，喺任內唔單止唔能夠紓緩公立醫院醫護人員嚴重短缺嘅問題，而且喺流感高峰期間，公院爆廠，班醫護員亦做到爆煲，多次集會甚至走上街頭表達不滿，呢啲問題到依家都未得以紓緩，睇嚟梁智仁仲有三個月要捱落去，咪以為咁快可以甩難。