受到反修例嘅衝擊重創香港經濟，政府早前推出包括中小企在內嘅紓困措施，商務及經濟發展局局長邱騰華尋日同中小企開會後，就話面對中美貿易戰升級，對香港經濟可謂雪上加霜。講到咁嚴重，但冇再拋出更多幫中小企渡過難關嘅措施，唔通佢覺得只係豁免政府收費，以及公眾街市同政府產業署出租嘅食肆及零售商店減吓舖租，就幫到中小企度過今次經濟颱風？睇怕等到更多酒樓食肆執笠先出手就太遲嘞！
