葵盛東邨發生精神病者斬人案，釀成兩死三傷，轟動全城，身為特區最高負責人嘅煲呔曾，喺慘案發生後兩日，即尋日先至出嚟講嘢，反應遲緩，而且愈講愈令人火滾，話今年批咗一億元加強精神科服務，但大部分仍未到位，成個精神科服務值得港府反思。地區組織一早警告精神科服務不足，煲呔曾尋日先至話值得反思，後知後覺得咁緊要，睇嚟最需要去睇精神科嗰個係佢就真！