不論係玲瓏浮凸定前凸後趷，都係形容女性身材嘅四字詞。不過齋講係冇說服力嘅，想知道乜嘢真正叫做玲瓏浮凸嘅話，欣賞過擁有堪稱神級曲線身材嘅藤江史帆後，就自然會明白！
呢個世界真係唔公平，有啲人飲水都會肥，亦有啲人食極都唔肥，好似藤江史帆就係屬於後者，而佢最令男士着迷，女士為之妒忌嘅，係擁有一副超索身材，加上氣質斯文優雅，真係引死人！原來藤江史帆喺投身AV界之前，喺一間廣告公司工作，期間佢瞞住公司以素人身份拍AV，當時廠方宣傳佢係一位大學生，結果憑住E Cup巨乳以及曲線玲瓏嘅身材而備受注目，作品亦獲得極佳評價。
不過當時佢只係抱住兼職嘅心態演出，冇諗過全職做AV女優，直至被公司嘅男上司發現後，佢先至決定辭職，並加盟AV廠Prestige成為專屬女優，以新一代神乳登場，推出正式出道作《新人》，結果一如所料火速爆紅，就係咁史帆正式展開AV事業。
之後，史帆演出嘅作品清一色以純情美少女形象登場，但係床上表現就一啲都唔純，尤其係高潮反應相當激烈，睇到人咬牙切齒。可能P廠都知道AV迷睇得多都會覺得悶，所以喺今年3月推出嘅《工作癡女系姐姐 Vol.9》中，史帆改變形象，以好色癡女角色登場，帶畀AV迷新鮮感，而阿妹亦希望未來能夠扮演更多唔同嘅角色，發揮唔同魅力。
估唔到外表斯文嘅史帆扮演癡女亦入型入格，究竟佢係點揣摩呢個角色呢？阿妹坦言好鍾意進行刺激嘅性愛，更自爆曾經同前男友喺露台開波，認真大膽。講到身材方面，問到佢覺得自己邊個身體部位最迷人？佢竟然話唔覺得胸部吸引，反而係另一個部位最性感，唔知大家估唔估到係邊度呢？答案就係35吋美股喇！為咗令臀部保持最佳曲線，佢平日好勤力做運動，甚至要戒食同戒酒。原來佢好鍾意飲酒同食雞肉串燒，每次演出後都會擦番餐同歎杯酒嚟好好慰勞自己，仲話如果冇得食真係好慘喎。
碟名：《神乳Ecup滋味服務性感覺醒3本番》
簡介：有「神乳」之稱嘅藤江史帆，喺片中被男優情挑敏感部位，搞到佢慾火焚身，之後男優提槍進攻，點知玩到半路阿妹竟反客為主，更搞到男優大叫頂佢唔順。
年齡：23歲
身高：160cm
三圍：33E-23-35
撰文：魂