政情：帶隊參加電競賽 楊全盛睇埋無人運輸機

楊全盛帶隊比賽之餘，仲去咗睇無人運輸機嘅原型。（受訪者提供）

Eric話，呢啲無人運輸機部分承重成幾十公斤，真係運得起一個人，亦毋須好似航拍機咁，人手遠距離駕駛，而係以定位技術，將貨物運到去偏遠地區，精準度係五十厘米以內，真係幾準吓(口架)！佢又話，呢啲無人運輸機都幾大架，好難喺城市飛，其實主要係應用於一啲偏遠農村，網購運去嗰啲地方並無送上門服務，而係集中喺一個地點交收。聽佢咁講，真係好似好先進咁，望番香港仲講緊無人駕駛汽車，真係幾落後！

• 此類無人運輸機以定位技術，將貨物運到去偏遠地區，精準度係五十厘米以內。

講番今次嘅比賽，Eric話，其實都係同內地朋友嘅友誼賽啫，去咗三日兩夜，最終打和，果然係友誼第一。