政情：勞福局前政助 鬧爆林鄭轉移視線又高傲

就連勞工及福利局前局長政治助理莫宜端（Zandra）亦都喺社交網站，以紅鯡魚嘅故事，批評林鄭月娥轉移視線同埋高傲，竟然將事件中重要嘅持份者「搣柴」。

莫宜端：心中不禁一寒

Zandra以千字文談及事件，批評林鄭嘗試扭轉話題，形容自己「心中不禁一寒」，示威者因為政府迴避訴求而轉趨激烈，但在上位嘅唔去回應，甚至懶得駁斥或解釋，依家竟反指對方「無份建造」，所以才故意盡快破壞。

Zandra批評政府轉移焦點及製造邏輯陷阱，以掩飾政府施政失當嘅肇因，今次風波明顯喺無謙卑回應市民訴求所致，形容林鄭係「可怖的高傲」，竟然將事件中重要嘅持份者「搣柴」，又以虛妄、高傲壓制持異見嘅人，希望自己能堅定心志，不向呢啲人「屈膝」。