政情：公民講場：雙職父母壓力爆煲 羅致光當睇唔到

打工仔愈嚟愈難捱，有調查結果更顯示雙職家庭嘅壓力好大，出現咗唔同程度嘅精神困擾，而工時愈長同擁有愈多子女嘅雙職家長，出現家庭失衡嘅情況愈嚴重，有團體就要求政府落實十七日嘅有薪勞工假期。話時話，好似標準工時立法一事，勞工及福利局局長羅致光一味拖字訣，勞工界嗌咗好耐話加多啲有薪假期，等打工仔可以多啲休息，但羅致光就當耳邊風，搞到打工仔壓力爆煲，都係因為政府冇支援。