政情：新一代特區電子護照防偽標準高 Iron Man都申請
入境處推出新一代特區電子護照，加入更多高科技防偽特徵，咁現代化，今次就特別搵咗外號「Iron Man」嘅音樂人郭偉亮（Eric Kwok）任代言人拍攝宣傳短片，口號係「一創科技里程，建立更高防偽標準」；唔單止「Iron Man」，仲有「四眼Cue后」之稱嘅世界桌球冠軍吳安儀都有幫手宣傳。
可用入境處手機App遞交申請
為咗方便市民申請，入境處分階段推出唔同嘅優化措施，首階段係灣仔總部同其他六個辦事處，陸續推出合共廿八部新的申領護照自助服務站，又更新咗入境處手機App，作為新嘅遞交申請途徑。現時市民手持嘅第一代電子護照可繼續使用至有效期屆滿，唔需要急於更換新一代護照，而護照申請費用亦維持不變。