政情：今日你上鏡：陳岳鵬赴京 登長城做好漢
離開咗熱廚房後，政制及內地事務局前副局長、現職馬會行政經理嘅陳岳鵬（Ronald）最近忙啲乜？睇佢Facebook先知原來佢去咗北京，事關佢上載咗張自拍相，仲留言話：「今日做了好漢。」
原來佢去咗長城。有網友心水清，問佢身上嗰套係邊度嘅制服？Ronald就話今次係參加咗馬會贊助嘅「香港盃外交知識競賽」訪問團，同八十個香港嘅老師同學生訪問北京同貴州，先至有機會登上長城做番次好漢。
網友質疑陳偷翻牆上網
但網友就關注Ronald有冇代表香港獨特文化，着人字拖上長城，更有網友質疑佢「知法犯法」，喺內地偷偷地翻牆，先至上載到張相。
（互聯網）