政情：八網難逃：袁彌昌木口木面 B女笑容學唔掂

新民黨前政策總裁袁彌昌同該黨立法會議員容海恩嘅寶貝女昌蔚，話咁快就嚟半歲，前幾日袁彌昌喺Facebook上載咗同B女嘅合照，爸爸就木口木面，B女就笑得好開心，真係好大對比。

好多網友睇到張相之後，大讚滿臉笑容嘅昌蔚超級可愛，有網友讚昌蔚有媽咪嘅書卷氣，有網友話B女似爸爸，又話似爺爺，甚至有網友話B女有少少似姑媽，即係袁彌昌嘅家姐彌望添！

但係袁彌昌就話唔知點解B女會露出咁嘅笑容？做爸爸嘅都唔知，睇怕其他人都唔會知。可能睇見細佬冇笑容，咁木獨，彌望就留言叫細佬下次要做出同B女一樣嘅笑容出嚟，而袁彌昌就斬釘截鐵話，佢唔識得點做到咁嘅笑法。唉！學學吓咪識囉，咪唧都唔笑咁款喇！