政情：八網難逃：增加正能量好方法 岑智明做Gym兼剪髮
多做運動，身體自然好，好似天文台台長岑智明咁，近日喺Facebook上載咗幾張做Gym嘅相，貼文話「近來朋友都在談論如何增加正能量，做運動都應該係其中一個好方法」。唔通因為最近社會撕裂，部分市民嘅情緒受到好大影響，所以台長呼籲大家做運動踢走負能量？
呢個貼文出街後惹起網友熱議，討論岑智明做Gym有勁力，有網友留言話「估唔到你咁犀利」，有網友就話岑智明雖然觀察天氣日日做，都唔能夠日日對住啲文件而缺乏運動。有心水清嘅網友仲話「仲要剪番個靚頭做Gym」，睇到佢上載嘅相，剪咗頭髮真係清爽好多。
岑智明做Gym，但有網友建議佢耍太極。唔通驚佢用力過度傷身？咁又唔係，網友係話見做運動都一面嚴肅、認真，若加埋勤練太極嘅話，剛柔並重更加吸引。睇到呢個網友嘅建議，岑智明會唔會都諗吓練埋耍太極呢？