政情:公民講場:幼兒打疫苗唔恒常化 陳肇始慳荷包

政府尋日公布新一季流感疫苗接種計劃十月展開,學校外展計劃將會恒常化,讓所有小學參加,亦會以先導計劃形式擴展至幼稚園同幼兒中心,有立法會議員指幼兒同長者都係高危嘅群體,認為應該將幼稚園同幼兒中心嘅到校注射服務恒常化,兼且十八區推行長者疫苗注射的外展計劃。正所謂預防勝於治療,既然先導計劃喺唔限制學校參加嘅數目,食物及衞生局局長陳肇始又何必吝嗇字眼,係咪因為變恒常化就要使多啲錢,所以要撳實荷包呢?

第一手消息請下載on.cc東網iPhone/iPad/Android/Windows Phone Apps