日前大批示威者闖入立法會大樓肆意破壞後變咗廢墟，立法會主席梁君彥講明呢兩個禮拜都開唔到會，變相提早休會。老實講，立法會被破壞事關重大，行政管理委員會都要開緊急會議去傾，但邊到有地方開會呢？睇怕身兼行管會主席嘅梁君彥都好頭痕。唔通去機場博覽館開咩，事關夠遠最安全；近啲揀灣仔會展唔係唔得，但都有風險，事關都容易被示威者闖入，原來行管會揀咗喺金鐘政府合署開會，唔知呢個位置夠唔夠安全呢？
