政情：公民講場：驗樓驗窗 制度有等於無 發展局責任難逃

各區近來不時發生飛窗意外，真係搞到都心驚驚。立法會一個委員會尋日傾到強制驗樓同強制驗窗時，有議員就話已逾期嘅強制驗樓通知書達兩萬七千幾張，但屋宇署就只係提出近一百四十宗檢控。已逾期嘅強制驗窗通知書仲多，有四萬七千幾張，署方都係發出三千七百多張定額罰款通知書同四十一宗檢控咋。發展局就話兩個計劃都係風險為本，署方嘅委員會會揀啲目標樓宇出嚟，又檢討目標樓宇準則喎！點講都好啦，比例少到咁得人驚，其實唔夠人做咪請人囉，否則個制度有等於無，唔知係咪要冧落發展局局長黃偉綸嘅頭上至肯着緊啲啦！