政情：梁福元退下火線 為兒子鋪路發展

梁智峯出任鄉委會副主席

而佢本身喺區議會擔任環境改善委員會主席，失去區議員資格就帶挈咗細仔、元朗區議員梁明堅升呢喇！

梁福元放棄鄉委會工作，但就鋪路畀大仔梁智峯喺呢方面發展，梁智峯就喺上月上任鄉委會副主席。

而梁福元未有厚此薄彼，事關梁明堅亦都受惠爸爸退下火線，因為梁福元本身擔任區議會轄下一個委員會主席，空缺就喺日前填補，主席職務就由本身嘅副主席周永勤擔任，而懸空嘅副主席就落入梁明堅手，兩人都係自動當選。

另外，荃灣區議會亦因應鄉委會改選令到主席人選變動，上月尾選出本身為副主席嘅黃偉傑坐正，而前日（7日）就改選副主席，由鄉事背景、馬灣鄉委會主席陳崇業自動當選；因應成漢強冇競逐連任坑口鄉事委員會主席，亦喪失其西貢區議會當然議員席位，而佢身兼區議會副主席一職前日改選，由議員凌文海自動當選。