泛民主派議員喺年前瘋狂拉布，搞到立法會嘅運作幾近癱瘓，雖然財務委員會修改會議程序後進度有所改善，但被積壓嘅議程仍然大塞車，就連建造業議會主席陳家駒都話財委會批出撥款嘅進度唔理想，對建築界有好大影響咁話，而財委會主席陳健波亦話要加會趕工。老實講，雖然泛民拉布不得逞，但好似朱凱廸同陳志全等激進泛民議員，仍然繼續用唔同方法阻延撥款，等如打爛工友嘅飯碗，難怪畀業界人士鬧爆喇！
