香港嘅公廁真係臭出國際，香港天主教勞工事務委員會尋日舉行記者會，有外判清潔工呻話，休息空間喺糞尿處理位置內，臭到入去三分鐘都已經忍唔住，有啲公廁仲要冇值勤室添。之前網上都有流傳清潔工喺公廁內食飯嘅相，真係聽落都覺得唔人道。財政司司長陳茂波喺財政預算案預留六億翻新全港二百四十個公廁，唔知有冇考慮過清潔工需要加番值勤室嘞，而且兩百幾個，只係佔整體公廁約三成，唔知係咪唔理其餘七成公廁呢？
