亂切雙白線 司機漠視交通規則
【本報訊】揸車要遵守交通規則是常識，但亦有人視規則如無物。近日網上流傳一段車Cam影片，片中私家車在馬路中穿插，更無視地下雙白線，胡亂切線。片段惹來網民狠批，諷刺司機視規矩如無物，是揸車的最高境界。
片段開始，該輛白色私家車從後趕上，先越過一架的士，再駛近以車Cam拍攝的車輛，更在極貼近的距離下切線。期間司機似乎狂飆得興起，駛至一段地下劃上雙白線路段時，仍不斷搵位攝，更多番踩着雙白線，蓄勢待發後，就加速切線駛走。
網民斥「喺馬路害人」
目擊事件的司機事後留言謂：「是日某B字品牌車手向各位示範如何完美地騎線+Cut雙白爬頭」，似有讚賞之意，不過網民就回他一句：「請你亦示範一次點樣完美地1823佢」。亦有網民不值司機的駕駛態度，「快得幾多，追求速度就唔係揸車，改去揸噴射機！」「報警啦，呢種×街喺馬路害人o架。」