政情：泛民驚甩轆下月「搶閘」提六四議案

胡志偉接受查詢時就解釋，話因為唔少泛民議員抽籤失利次數都差唔多，再加上要等下一次抽籤嘅話，又會有好多變數，所以趁依家抽中咗就提出。佢仲話過往支聯會喺四月份開始都會有關於六四嘅活動，依家立法會提早辯論，都可以早啲等公眾關注。

今年議案嘅措詞同過往差唔多，係「本會呼籲：毋忘六四，平反八九民運。」至於到時議員會唔會有其他行動，胡志偉就話泛民暫時未有傾過。