公立醫院住院服務緊張並非新鮮事，已經長期做唔到九成緊急病人於三十分鐘內處理嘅服務承諾，踏入流感高峰期時問題就進一步加劇，即使公院急症室門診收費加價都改變唔到，似乎已經成為死結。現時香港又進入冬季流感高峰期，不過冬天有排都未完，公院逼爆呢一幕只係剛剛上演，仲未計公院專科門診輪候時間長，人手及病床不足呢個噩夢，睇嚟有排纏繞住食物及衞生局局長陳肇始囉！
