政情：陳家珮臨盆拍片 記錄三年抱兩生活
南區區議員陳家珮（Judy）喺去年年初先至生下囝囝杰杰，呢兩日佢即將生多個囡囡，名副其實係三年抱兩。Judy尋日就把握機會，趁妹妹出世前拍片記錄呢段日子，自己點樣兼顧事業同家庭，囝囝都齊齊入鏡添。
Judy話平時夜晚多應酬，會盡量陪囝囝食早餐，片段中佢更親自餵食，而囝囝都好聽話，唔百厭。另外，Judy又趁有時間教囝囝生字同英文，不過佢就話區議員要廿四小時工作，所以返到屋企好多時都要一心二用囉。
嘆一日48小時都唔夠用
片段仲見到腹大便便嘅佢落區工作，見到都覺得辛苦，而Judy經歷咗兩年在職媽媽嘅生活，就嘆一日有四十八小時都可能唔夠用，而且亦開始關注婦女、幼兒同教育等議題。雖然好辛苦，但佢話一諗到子女未來會見到佢為社會出一分力，辛苦啲都值得咁話喇。