政情:公民講場:沙中線醜聞不絕 盧偉國盲撐官員

港鐵沙中線工程醜聞不絕,社會高度關注安全問題。工程界立法會議員盧偉國尋日喺電台話,業界對港鐵工程管理十分失望,覺得佢哋犯咗唔應該犯嘅錯失,但就強調沉降數字超標唔代表唔安全,因為可以係自然因素或人為因素造成,業界一直有監察;又話官員「人頭落地」無助處理事件喎。如果工程業界有監察,沙中線就唔會搞到一鑊粥,而高官有份坐喺港鐵董事局都監管不力,實在責無旁貸,如果議員咁樣盲撐及放生涉事官員,變成問責官員唔使問責,咁先係無助處理事件囉!

第一手消息請下載on.cc東網iPhone/iPad/Android/Windows Phone Apps