港鐵沙中線工程醜聞不絕，社會高度關注安全問題。工程界立法會議員盧偉國尋日喺電台話，業界對港鐵工程管理十分失望，覺得佢哋犯咗唔應該犯嘅錯失，但就強調沉降數字超標唔代表唔安全，因為可以係自然因素或人為因素造成，業界一直有監察；又話官員「人頭落地」無助處理事件喎。如果工程業界有監察，沙中線就唔會搞到一鑊粥，而高官有份坐喺港鐵董事局都監管不力，實在責無旁貸，如果議員咁樣盲撐及放生涉事官員，變成問責官員唔使問責，咁先係無助處理事件囉！
