政情：今日你上鏡：容永祺登六 「問誰領風騷」

專業及資深行政人員協會創會會長容永祺（Samuel）最近牛一，佢嘅一班同事就搞咗個生日會，賀佢「登六」，即係年齡邁向六十歲耳順之年。呢個「登六」生日會準備咗一個好大嘅壽字，幫Samuel賀壽，而且仲安排咗樂隊表演，Samuel（圖右）仲與同事一齊合唱「問誰領風騷」，認真風騷。原來Samuel三十年前巡迴東南亞演講時，經常唱呢首歌去鼓勵同業，形容呢首歌係創會歌曲，每次唱都好回味喎。