90後製港產Game 獲網民力撐

他們還未有自己辦公室，通常各自在家工作。他們在城市大學主修創意媒體，負責宣傳和設計的Jessie與團隊主腦Mars畢業已一年，寫程式的Lewis則預備升大四。

市民支持土炮 冀玩香港地圖

一齊寫遊戲，因為鍾意打機。Mars說：「我讀幼稚園小學嗰陣已經睇阿爸玩生化危機。」Jessie興奮地插嘴：「我阿爸都係負責買Battlefield畀我嗰個嚟（口架）喎，哈哈！」Lewis父母不打機，但自從知道兒子進軍遊戲界，也偷偷在Google自學。父母全力支持，他們放手一搏。

「喺個畫質上，其實我哋用咗好多時間去學。」奮鬥半年，是時候將心血推給機迷試試反應。他們在動漫節前不眠不休地趕工，製成一個試玩版，並在討論區發貼，圖文並茂地介紹Raid of Regions。「我哋幻想個Post係，可能有幾十個人睇到，畀啲正評我哋咁，就算屋（口架）喇。但估唔到幾個鐘入面，啲正評已經爆到好高，呢樣係我哋意想唔到嘅。」

網民瘋狂正評，一來畫面有驚喜，二來港人撐土炮，三來原來很多人都想玩香港地圖，「大家都好想有旺角、果欄嗰一類，我哋覺得必有嘅係天橋、霓虹燈、行人隧道嗰啲。」為了完成這項複雜工程，時間與金錢，缺一不可。他們在外國眾籌網搞集資，可惜出師不利。無論如何，他們努力爭取在今年年底將Raid of Regions放到遊戲商城上架，定價一百五十六港元。扣除中介收取的三成佣金，收入其實還不夠為三人出糧。「我哋都唔敢奢望有好多人玩呢隻Game，畀大家認識到我哋已經係好好喇。」

「隻Game會出多國語言版本，其實我哋六月份已經將宣傳片發畀各大媒體，外國同香港都有，外國媒體都有報道過我哋有Closed Alpha（封測），當時反應都OK，有六、七百個外國玩家註冊。」為了夢想，Mars和Jessie畢業之後放棄全職工作，只依靠兼職幫補，月入幾千，公司成立至今零收入。對他們來說，年輕就是本錢。