政情：公民講場：食署專恰阿婆 南亞村唔敢拆

除咗日前六十三歲嘅拾荒婦執垃圾變揼垃圾被食環署票控外，上月喺深水埗擺賣物品嘅八旬吳姓老婦亦遭食環署同警員圍捕，但係對南亞小販同南亞村等就唔敢告。好似早前食環署聯同另外五個部門出動半百人力，搞咗半日只係拆咗南亞村一間木板屋，跟住話啲構築物有人居住同持有就收隊走人，可見食環署根本係怕咗班南亞假難民唔敢拆，但就專恰啲阿婆，欺善怕惡、胡亂執法，究竟劉利群點做署長，竟然可以容許啲下屬咁做，擺明係失職喇！