工聯會早前喺維園嘅一個活動，有個攝影師熟口熟面，不時影台上嘅會長吳秋北，行近一睇，原來係立法會勞工界前議員葉偉明。佢話自己依家喺民航嘅工會工作，忙於搞活動、發展會務同職安健事宜，當日都係帶會員去參加活動，順便捧吓會長場。做過議員點都有唔少支持者嘅，日後嘅立法會選舉，有冇機會排吓隊尾支持年輕人呢？葉偉明就話唔需要喎，咁多人排，後生一輩本身已經掂，佢喺後面敲鑼打鼓就得o架啦！
