做過高官嘅知名度高，對政策熟悉，一向都有唔少人有興趣邀請佢哋加盟。新民黨尋日公布，委任前保安局局長黎棟國、前消防處處長林振敏等三人做該黨顧問。新民黨主席葉劉淑儀都做過保安局局長，今次搵番保安局同紀律部隊退休阿頭，唔通因為夠晒同聲同氣？葉劉接受查詢時就直認，其中一個原因係睇準前高官吸到票喎！
葉劉話，好早已經邀請黎出任顧問，但考慮到前高官要有一年「過冷河」，所以依家先至正式委任。佢仲大讚前高官吸到票，而且對政策夠晒熟悉，呢啲專業嘅經驗好難得，可以教黨內年輕人好多嘢。香港專業人士協會會長、牙醫陳建強亦同時獲委任為顧問，葉劉話，希望藉此加強與醫療及專業人士嘅聯繫喎！
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
