保良局前主席陳亨利（Henry，圖）最近去咗一趟太平洋小島密克羅尼西亞，當地漁業及旅遊資源豐富，仲係世界著名嘅金槍魚產地。Henry着住雨靴親自去金槍魚工場視察情況，見到肥美嘅魚忍唔住影相留念，仲扮鬼扮馬同魚嘴對嘴，扮錫錫，好搞笑。Henry話今次主要係去視察廠房，都心思思研究養埋魚添！佢又話，當地除咗有商機，就算只係度假都好舒服，事關全島最高嘅建築物只係三十呎。對住喺石屎森林嘅香港人嚟講，真係世外桃源啊！
