政情：今日你上鏡：世界盃決賽難抽空 張俊勇有飛冇得用

中華總商會會董張俊勇（Thomas，圖中）出席一個茶敍活動時，講起原本會去莫斯科睇世界盃足球賽嘅準決賽同決賽，但有啲事未忙完，未必去到。菁英會榮譽主席梁宏正（右）即刻問，「如果你有飛嘅，冇理由唔去o架？」咁問法，唔通想Thomas轉讓張飛畀佢？Thomas就解釋，今屆世界盃要求球迷同時展示FAN ID及門票先可入場，無法轉讓。深水埗區議員梁文廣（左）聽完即話，香港一早應該咁做啦，佢之前喺香港買棟篤笑門票，都要一路排隊，一路上網撳飛，雙管齊下先買到咋！